Na a Blog na ra lata box "Poll" hpe a taw shalaw yu ga :P

Na a Blog hta ra lata box "Poll" bang la ga

Ndai kalang na gaw "Poll" ra lata box hte seng ai lam hpe bai ka na nngai. Poll hpe na a blog hta bang mayu yang Template na Page Elements nga ai shara kaw na Add a Page Element nga ai de sa u. Ndai Add Page Element gaw na blog a side bar kaw na rai yang grau kaja ai hku re. Dai hpang "Poll" nga ai hpe lata la nna ga san hte mahtai ni hpe nang ra ai hku lata la u. Dai ngut ai hpang save nga ai kaw dip dat ai hte na a blog hta nang bang dat ai "Poll" hpe mu la na sai. Ndai Poll gaw lawu na hte bung na rin dai.

Poll hta nsam bang la ga

Lahta na poll gaw n sam n lawm ai sha "simple" sha rai nga ai. Na a blog de sa chyai ai ni Poll hpe kalang lang n mu kau ai lam ni mung nga chye wa ai hku re. Dai mang hkang hpe hparan na matu na a Poll kaw n sam bang ai baw hpe ya lawu de bai yu yu ga. Ndai kalang gaw Template nga ai de sa nna Edit HTML nga ai kaw dip dat u. Na blog a HTML code ni nga ai shara de du mat na ra ai. Dai hpang HTML ni a n pu de sa yu nna /*sidebar Content*/ nga ai kaw du jang lawu na code ni hpe copy bang dat u.

/* Sidebar Content */
#Poll1{
background:#FFFF00;
border:3px solid #736AFF;
width:150px;
padding:0 10px;
}

Matsing hpa

1. Lama wa na a blog hta Poll langai ngai nga chyalu nga jang gaw Sidebar Content lawu e Poll1 nga ai nga chyalu rai na ndai. Dai zawn re jang lahta na code hpe copy galaw bang ngut jang Poll 1 nga aikaw Poll 2 ngu kalai bang dat u.

2. Lahta na code na background color ngu ai hta an-hte KC Bloggers Help Desk ni hku na Ja Tsi n sam (#FFFF00) hpe bang da ya ai hku re. Na a blog hta nang ra ai n sam bang mayu jang dai code ni hpe nang ra ai n sam a code hpe galai bang ra ai. Ndai kaw Color Code Chart nga ai.Lata la nna bang la ga.

3. Orginal Poll kaw gaw shakum "Boder" n lawm ai hku re. Shakum bang la mayu jang boder nga ai kaw 3px ngu bang la mai ai hku re. Ndai hpe nang ra ai hku mai galai la ai hku re. Ga shadawn shakum hpe nau n jahtat mayu yang 1px shing nrai 2px ngu gale la mai ai. Lahta na madun da ai code hta gaw shakum hpe px3 ngu nna nsam hpe gaw lamu tsit (Blue) (#736AFF) hpe bang da ai hku re. Nang kam yang mai galai bang ai hku re.

4. Na Poll box a size hpe mung mai galai bang ai hku re. Lahta na madun da ai code ka gaw width: 150px ngu bang da ai hku re.

5. Padding gaw shakum hte laika ni lapran gang (space) da ai ga re. Nang ra ai hku mai galai la ai.
Ndai ni yawng ngut sai hte gaw na a poll lawu na zawn rai wa na ra ai.
Laika Si ni hpe Edit galaw ga

Nang lama wa lahta na hta grau naw a taw shalaw mayu yang lawu na laika ni hpe naw matut hti yu u. Ndai kalang gaw n sam galai gut sai reai majaw ya gaw Laika si ni a "Font" ni hpe bai galai yu ga. Mi shawng e kalang galaw yu sai hte maren Temple de sa nna Edit Temple nga aikaw dip nhtaw /*Sidebar Content*/ nga ai kaw mi na code a lawu e lawu na lamu stit (Blue) rau ka da ai code ni hpe copy bang dat u.

/* Sidebar Content */
#Poll1{
background:#FFFF00;
border:3px solid #736AFF;
width:150px;
padding:0 10px;
}

#Poll1 h2{
text-align:center;
font-size:140%;
color:#F87431;
font-family:arial;
font-weight:bold;
}

Matsing

1. Na Poll ga baw hpe ga ang (Center) e tawn mayu yang tex-align:center; ngu bang la mai ai. Lama wa kaga shara hkan tawn myu yang, gasha dawn lapai shing nrai lahkra, mung mai ai hku re.

2. Na ga baw a size hpe mung nang ra ai daram mai galai ka la ai hku re. Ga shadawn font-size: 140%; ngu ka la mai ai.

3. Kalang bai Laika si nni a nsam hpe mung mai galai la nga ai. color:#F87431 nga ai shara kaw nang ra ai n sam a code ni hpe ka la mai ai hku re.

4. Laika si ni a font ni hpe mung galai na nga jang font-family:arial; nga ai shara na arial nga ai kaw nang ra ai font a ming hpe ka la mai ai hku re. Font ming n kau mi hpe ka da ya na nngai - arial, courier new, georgia, lucida grande, times new roman, trebuchet ms, verdana ni rai ma ai.

5. Poll ga baw hpe bold mung mai galaw ai hku re. font-weight na makau e bold shing nrai nang ra ai baw hpan hpe ka la mai ai. Galaw la mai ai baw hpan ni hpe ka da ya nngai - italic, bold, underline ni rai ma ai.

Poll Background de sumla bang la ga

Ya n sam mung galai ngut, laika si n sam ni mung galai ngut jang gaw garau ataw shalaw ai baw poll a n sam (Background) kaw sumla bang ai baw bai hka ja yu ga. Shawng n nan e nang bang mayu ai sumla hpe Internet n tsa na sumla zing ai baw website langai ngai kaw na a sumla hpe shawng upload galaw ra na re. Ga shadawn Photobucket zawn re ai website hkan e bang da ra na re. Hpa majaw nga yang sumla nsam bang yang sumla a URL Link hpe lang ra ai majaw re.

Ya sumla n sam bang ai de bai yu yu ga. Shawng nna Template de sa nna Edit HTML de sa ga. Dai hpang HTML code ni a lawu de yu yu nna mi shawng e bang da ai /*Sidebar Content*/ npu na code ni hpe yu ga. Background nga ai shara kaw background:url(SUMLA NA URL); ngu bang la let dai URL ngu ai shara hta na a sumla na URL hpe bang dat u.

/* Sidebar Content */
#Poll1{
background:url(IMAGE URL);
border:3px solid #736AFF;
width:150px;
padding:0 10px;
}

#Poll1 h2{
text-align:center;
font-size:140%;
color:#F87431;
font-family:arial;
font-weight:bold;
}

Na poll box gaw lawu na zawn sumla n sam hte rai mat na ra ai.

Ndai lam ni yang ngut ai hpang gaw lawu na sum la zawn sha na a blog na ra lata "Poll" box gaw grai tsawm mat na ra ai. :P

Source: Tips For New Bloggers