Hkau Nbwisam a gasan hpe dang di ai daram mi htai da ya n-ngai.

Internet n-tsa kaw na files ni hpe, madu a computer de' gang shayu la ai hpe gaw, Download nga n-htawm, Madu a computer kaw na, internet n-tsa(server langai ngai) de', File ni hpe shalung ai hpe gaw, Upload ngu ai hku re. Ya, Cbox kaw Hkau Nbwisam san da ai gaw, Upload hte' seng ai hpe san da ai mu lu ai. Hkau Nbwisam tsun ai hte' maren, http://hkahkushingran.blogspot.com/ kaw Music playlists galaw da ai hpe mu lu ai.

N-dai hpe galaw na matu, Madu a Music File ni hpe shawng, internet server langai ngai, de' shalung ra ai hku re. Hka Hku Shingran Blog kaw na playlist hpe, http://www.myflashfetish.com/ (Register first on their site to use their service)kaw galaw da ai hpe mu lu ai. Dai website de' shang yu yang, n-tsa kaw Menu Bar(Mp3 Playlists, Video Playlist, Widgets, Browse) hpe mu lu na re. Dai kaw na, Mp3 Playlists nga ai kaw dip dat jang, Music Playlists grai law hpe mu lu na ra ai. Dai kaw na madu ra ai langai hpe lata mai nga ai. Lata, ngut jang, Create now nga ai kaw dip dat ga.

Ngut jang, Upload nga ai kaw dip dat jang, n-pu na sumla zawn re hpe mu lu na ra aiDai kaw, box lahkawng a n-tsa e`, MP3 Title hte MP3 URL nga ai lahkawng hpe mu lu na ra ai. N-dai site kaw, song hpe upload galaw na matu a hkaw a hkang n-jaw da ai hpe mu lu ai. Dai majaw, shi tsun da ai, http://boxstr.com nga ai kaw, madu a audio mp3 file hpe upload wa galaw ra ai hku re.

http://boxstr.com kaw mp3 hpe upload galaw na matu, Register (sh) Sign Up shawng galaw ra ai hku re. Dai ngut jang gaw, madu lata da ai, Username hte Password hpe Sign In page kaw gayet bang let, Sign In shang ngut sai nga jang, Menu Tabs kaw na Upload ngu ai hpe dip let, madu a mp3 file hpe upload galaw mai sai. Upload galaw na matu, Browse nga ai kaw dip dat jang, Madu a mp3 file hpe locate galaw na matu, Dialog Box langai pru wa na ra ai. Madu a computer kaw na mp3 file hpe lata ngu jang, Open kaw dip dat ga. Ngut jang, de' a n-pu kaw na Upload Selected Files nga ai kaw dip dat jang, upload galaw mat wa na ra ai. Mp3 file langai mi hpe upload galaw yang, 1 minutes daram gaw na ai(Depends On Your Connection Speed). Loi mi myit galu ga. Shi hku n-na Upload galaw ya ngut jang, nang hpe URL (Your Audio Address) langai mi jaw na ra ai.

Ok. Upload galaw ngut sai nga jang, n-pu na sumla kaw na, MP3 URL nga ai kaw, mi yet lu wa ai, URL (Your Uploaded Audio URL) hpe paste galaw dat ga. Ngut jang, Add Mp3 nga ai kaw dip dat ga. Playlist name nga ai kaw, madu ra ai playlist a mying ka bang ga.

Madu myitra rai sai nga jang, n-pu kaw na, Save(Get Code) nga kaw dip let, madu a playlist a matu, code hpe la ga. Next page hta, n-pu na zawn re, page hpe mu na re. Dai kaw na Blogger hpe lata ga.

Shi hku n-na, Blogger de' sign in shang shangun na ra ai. Sign In shang dat ga. Sidebar kaw tawn da mayu jang gaw, Post To Sidebar nga ai kaw check galaw ra na re. Sidebar kaw n-kam tawn da ai nga jang gaw, uncheck galaw da ra na re. Ngut jang, Post ngu ai hpe dip dat jang, shi hku n-na, myitsu wa a, blog kaw post galaw mat wa ya na re.

Grai galu mat sai.. :).. Kaja laika hti na galaw ga nga yang, n-yak ai hku re. Loi mi shakut yu ga.

Awng Dang U Ga,

KC Bloggers