Friday, October 10, 2008

Blogger kaw, sumla ni hpe, original size hte' sha mara mayu jang

Anhte blogger ni, blog hta sumla ni hpe, mara ai shaloi, sumla loi kaba ai ni hpe, blogger kaw na loi kaji hkra, resize galaw n-htawm she', mara ya ya re mu lu na re. Dai hpe madu gaw, original picture size sha mara mayu ai. Size hpe n-kam kaji shangun mayu ai nga jang, sumla mara ai kaw na, code hpe kaji mi gram dat jang rai sai hku re. Ok.. hpang saga..

Blogger kaw, sumla mara dat ai shaloi, Compose mode kaw n-re ai sha, Edit Html mode kaw, n-pu na zawn re code hpe mu lu na re.

<a href="http://3.bp.blogspot.com/_KoKOOuTAwk8/SO-n9b1IKOI/AAAAAAAAADk/MftxphFAzHU/s1600-h/Shanglawt.jpg"><img style="display:block; margin:0px auto 10px; text-align:center;cursor:pointer; cursor:hand;" src="http://3.bp.blogspot.com/_KoKOOuTAwk8/SO-n9b1IKOI/AAAAAAAAADk/MftxphFAzHU/s400/Shanglawt.jpg" border="0" alt=""id="BLOGGER_PHOTO_ID_5255603964049107170" /></a>

Lahta na, code hta, upload galaw da ai, Shanglawt.jpg ngu ai sumla a mying shawng kaw, /s400 nga ai code hpe mu lu na re. Dai gaw, blogger kaw na, madu upload galaw dat ai, sumla hpe, resize galaw da ai, size re. Dai hpe madu gaw, original size ra ai nga jang, dai /s400 nga ai code hpe delete galaw kau ra na re.

Blogger kaw na, sumla ni hpe, resize galaw ai shaloi, /s400 sha n-ga, /s320, /s600 ni mung nga chye nga ai. Hpa mi nga nga, madu gaw original size hpe ra jang, dai /s320, /s400, /s600 ni hpe code kaw na delete galaw kau ra na re. N-dai /s320, /s400, /s600 code ni gaw, madu upload galaw da ai, sumla a mying shawng kaw galoi mung nga ai. Ok... lahta na upload galaw da ai sumla a code kaw na, /s400 nga ai hpe delete galaw kau ga nga jang, code gaw n-dai hku byin wa na re.

<a href="http://3.bp.blogspot.com/_KoKOOuTAwk8/SO-n9b1IKOI/AAAAAAAAADk/MftxphFAzHU/s1600-h/Shanglawt.jpg"><img style="display:block; margin:0px auto 10px; text-align:center;cursor:pointer; cursor:hand;" src="http://3.bp.blogspot.com/_KoKOOuTAwk8/SO-n9b1IKOI/AAAAAAAAADk/MftxphFAzHU/Shanglawt.jpg" border="0" alt=""id="BLOGGER_PHOTO_ID_5255603964049107170" /></a>

Code hpe delete galaw ai shaloi sadi na galaw ga. Kachyi mi pyi n-mai, shut ai hku re. Shut jang, madu upload galaw da ai, sumla mung pru wa na n-re. s320, s400, s600 ni hpe delete galaw ai shaloi, shan hte a shawng kaw na, (sh) sumla mying a shawng kaw na, / <== n-dai loi n-da mahkret hpe ma delete galaw shalawm ra ai. Matsing na matu gaw, dai mahkret n-da(/) hpe, sumla a shawng ka na (sh) s320, s400, s600 ni a shawng kaw na, langai hpe sha delete galaw ra na re. Sumla a shawng kaw na da, s320, s400, s600 ni a shawng kaw na da, delete n-mai galaw ai.. Matsing: Lama na, madu upload galaw dat ai sumla a original size gaw, madu a blog post a shara hta, grau kaba taw jang gaw, sidebar ni, n-pu de' yu mat ai zawng byin chye ai. Dai majaw, madu blog post ka ai shara hta kaba ai, sumla ni hpe gaw, original n-mara ai sha, blogger kaw na resize galaw da ya ai, size hpe sha mara yang grau kaja na re.


Before:




After:

Awng Dang U Ga...
Shanglawt

Recent Posts